Noreg ratifiserte den europeiske landskapskonvensjonen i
2001. Konvensjonen omfattar alt landskap, men legg særleg vekt på landskapet
der folk bur og arbeidar, og der born veks opp.
Miljøverndepartementet har invitert
Hordaland fylkeskommune og Fylkesmannen i Hordaland til å
arbeide med iverksetjing av landskapskonvensjonen gjennom kommunal
planlegging. Kommunane har ei nøkkelrolle i forvaltninga av det
norske landskapet gjennom plan- og bygningslova. Det er difor
nødvendig med kommunal politikk og planlegging for å nå nasjonale mål
om implementering av landskapskonvensjonen.
Fylkeskommunen og Fylkesmannen samarbeidar med
kommunane Granvin, Lindås, Samnanger og Sund om prosjektet.
I landskapskonvensjonen er bevisstgjering og
medverknad sentralt, og det unike for dette prosjektet er
vektlegginga av planprosessane meir enn sjølve analysane.
Fagmiljøa sit på kompetanse om kva som er
landskapsverdiar og korleis desse kan ivaretakast. Samtidig har
innbyggjarane i ein kommune mykje kunnskap om kva som er kvalitetane
i landskapet på sin heimplass.
I landskapskonvensjonen er bevisstgjering og medverknad sentralt,
og det unike for dette prosjektet er vektlegginga av planprosessane
meir enn sjølve analysane.
Ufordringa i prosjektet er å tilpasse
resultat frå faglege analysar til dei lokale tilhøva og lokale
planprosessar, slik at landskapsomsyn vert konkretisert i
planleggina.
Å forvalte landskapskvalitetar på ein betre måte
gjennom kommunal arealplanlegging
-
Identifisere og analysere landskapskvalitetar i
konkrete planområde
-
Utvikle og ta i bruk verktøy for å kunne ta
landskapsomsyn gjennom kommunal planlegging
-
Bevisstgjere befolkninga, politikarar og byråkratar i
kommunane på kva som kan vere landskapskvalitetar og korleis desse kan
innarbeidast i planlegginga
-
Skape ein felles læringsarena på tvers av sektorar og
nasjonalt, regionalt og lokalt forvaltningsnivå
(12.06.2007 Oppdatert: 23.10.2009)